ഈ ലോകം കാണുവാന്‍ സമയമായപ്പോള്‍
സന്തോഷത്താല്‍ ഞാന്‍ ചിരിച്ചപ്പോള്‍
എന്റെ ഉമ്മ കരയുകയായിരുന്നു .
ഈ ലോകം കണ്ടു ഞാന്‍ കരഞ്ഞപ്പോള്‍
എന്റെ ഉമ്മ ചിരിക്കുകയായിരുന്നു.
പിന്നീട് ഞാന്‍ കരഞ്ഞപ്പോള്‍
ഉമ്മ എനിക്കായി പാട്ടു പാടി.
ആ പാട്ടു കേള്‍ക്കാന്‍ ഞാന്‍ വീണ്ടും വീണ്ടും കരഞ്ഞു .
ഇന്നലെ ഉമ്മയൊന്നു കരഞ്ഞപ്പോള്‍
അറിയാതെ ഞാനും കരഞ്ഞുപോയി .
കരഞ്ഞു കരഞ്ഞു ഞാന്‍ തളര്‍ന്ന നേരം
ഉമ്മ എനിക്കായൊരു പാട്ടു പാടി ...
അത് കേട്ട് ആയിരം ചന്ദ്രനുദിച്ച നിലാവില്‍
ആകാശത്തേക്ക് ഞാന്‍ പറന്നു പോയി.
സ്വയം മറന്നുപോയി .....
No comments:
Post a Comment