അച്ഛന്‍

ചുമരില്‍ തൂങ്ങിയ ചിത്രത്തിലിരുന്ന് 

അച്ഛന്‍ ചിരിക്കുന്നു .

നിലാവുള്ളൊരു രാത്രിയില്‍ 

ഏതോ ഒരു നിഴലിനൊപ്പം 

അമ്മയിറങ്ങിപ്പോവുമ്പോഴും 

അച്ഛന്‍ ചിരിച്ചുകൊണ്ടിരുന്നു .

കുടിച്ചുവന്ന്‍ ചേട്ടനെന്നെ തല്ലുമ്പോഴും 

എത്രയോ രാത്രികള്‍ ഞാന്‍ 

കരഞ്ഞു തീര്‍ത്തപ്പോഴും 

അച്ഛന്‍ ചിരിച്ചുകൊണ്ടിരുന്നു .

ഇനി ഞാനും വരാം 

അച്ഛന്‍റടുത്തേക്ക് 

ആ ചുമരിലേക്ക് .

എനിക്കും ഒരു പൂമാല കഴുത്തിലിട്ട് 

ചിരിച്ചുകൊണ്ടിരിക്കണം ...