കുഴിമാടം

 

ഒരു വഴിയളന്നിട്ടിരിക്കുന്നു

എന്‍റെ കുഴിമാടത്തിലേക്ക്..

ആരും വരാനില്ലെങ്കിലും ..!

ഇനിയും കാത്തിരിക്കുന്ന ആ ദിനം

ഇങ്ങെത്തും വരെ മാത്രം ..

എന്‍റെ മേല്‍ വളര്‍ന്ന പുല്ലുതിന്നാന്‍ വന്ന

ആടിനെ സ്നേഹിച്ചാല്‍ മതിയായിരുന്നു ..!

പുഴുക്കളെ കൊല്ലേണ്ടിയിരുന്നില്ലായിരുന്നു ..

കളയെന്നു പറഞ്ഞ് ഈ ഓലപ്പുല്ലിനെ

പറിച്ചെറിയേണ്ടതില്ലായിരുന്നു ..

കാലിലും കയ്യിലും പറ്റിയ മണ്ണിനെ

അഴുക്കെന്ന്‍ വിളിച്ച ഞാന്‍

ഇന്ന്‍ മണ്ണിനെ അഴുക്കാക്കുന്നു ...!