മഴ തുടങ്ങി...
ചേമ്പിലതാളുകളില്‍ മഴത്തുള്ളികള്‍ വീണു....
എല്ലാവരും അതറിഞ്ഞിട്ടും
ഒന്നും അറിയാത്തതുപോലെ നടിക്കുകയാണത്...
ചേമ്പില എത്ര വേണ്ടെന്നു തലയാട്ടിയിട്ടും
മഴ നിന്നില്ല ...
തവളകള്‍ കരഞ്ഞുപറഞ്ഞു
അവ കരഞ്ഞ കണ്ണീരുകൊണ്ട് കുളം നിറഞ്ഞു....
സ്കൂള്‍ വിട്ടു .
റോഡരികിലൂടോഴുകുന്ന പുഴയിലൂടെ നമ്മള്‍ നീരാടി നടന്നു
നമ്മള്‍ വഴി
പിരിയുമ്പോള്‍
നമ്മള്‍ നടന്നു വന്ന ചെറുപുഴയും
ചെറു തോടുകളായി പിരിഞ്ഞു
വീണ്ടും നമ്മള്‍ ആ കുളക്കരയില്‍ വെച്ച് കണ്ടുമുട്ടി
അന്ന് നമ്മുടെ സ്നേഹപ്രകടനത്തില്‍ കൊഴിഞ്ഞു വീണ
നിന്റെ കുപ്പിവളപ്പൊട്ടുകള്‍ നമ്മെ കളിയാക്കി
പക്ഷെ അതിനു നമ്മെ തോല്‍പ്പിക്കാനായില്ല...
------------------------------------------------------------
ഇന്ന് നിന്റെ കൈകളില്‍ കുപ്പിവളകളില്ല
പകരം കൈ നിറയേ മറ്റൊരാളിട്ട സ്വര്‍ണവിലങ്ങുകള്‍...
-------------------------------------------------------------------
ഇന്ന് കണ്ണീര്‍ വീണു കുതിര്‍ന്ന എന്റെ ഡയറിയില്‍ ഞാന്‍ എഴുതി :
'ഞാനൊരു ഓള മാണ് ... നീ നീലാത്തമാരയിലയിലെ വെണ്ണിലാവും'
----
No comments:
Post a Comment